Руско вселенско летало паѓа кон Земјата

Руско вселенско летало без екипаж, што врши снабдување на Меѓународната вселенска станица, паѓа неконтролирано кон Земјата, изјави анонимен руски службеник, обајви МИА.

– Леталото паѓа кон Земјата, бидејќи нема друго место каде да оди. Јасно е дека дошло до некои целосно неконтролирани реакции, изјави анонимен службеник запознаен со ситуацијата.

Се очекува во текот на денот руската вселенска агенција да објави соопштение за настанот.

Вселенското летало „Прогрес М-27М“ е лансирано вчера од центарот во Бајконур во Казахстан, но по неговото одвојување од ракетата контролната мисија соопшти дека повеќе нема контрола над него.

Леталото „Прогрес М-27М“ носи околу 2,5 тони товар за екипажот на Меѓународната вселенска станица, како и копија на Знамето на победата, што советски војници по борбата за Белин на 1 мај 1945 година ја поставиле на зградата на Рајхстагот.

Доколку преземете содржина од оваа страница, во целост сте се согласиле со нејзините Услови за користење.