среда, 7 декември 2016  |  Вести денес: 19

САД ги суспендира разговорите со Русија за Сирија

Ова не е лесно донесена одлука, изјави портпаролот на Стејт департментот Џон Кирби, кој рече дека Русија и нејзините сириски сојузници ги зајакнуваат нападите во областите со цивилно население.

Unrest Aleppo

Последни вести

САД ги суспендираа билатералните разговори со Русија за Сирија, кои имаа за цел враќање на договорот за прекин на огнот и воспоставување заедничка воена групација за пресметка со џихадистите.

– Ова не е лесно донесена одлука, изјави портпаролот на Стејт департментот Џон Кирби, кој рече дека Русија и нејзините сириски сојузници ги зајакнуваат нападите во областите со цивилно население.

Претходно денеска, шефот на руската дипломатија Сергеј Лавров изјави дека договорот меѓу САД и Русија за Сирија се наоѓа во состојба на суспензија, бидејќи се уште е нејасно како Вашингтон се однесува кон опозицијата која не го признава тој договор.

– Изјавите и чекорите на американските колеги, кога станува збор за Сирија се карактеризираат со многу противречности, додека нам ни е приоритет да се надминат сите двосмислености, посебно тие што директно влијаат на соработката со САД кога станува збор за спроведување на договорот, кој во моментот се наоѓа во состојба на суспензија, истакна Лавров.

Најчитани вести