САД и Европската унија соопштија во саботата дека се спротиставуваат на каква и да е акција од страна на косовското раководство да изврши притисок за ставање крај на судот за воени злосторства поврзани со борбата за независност од 1998 до 1999 година, нарекувајќи го тоа „ужасна идеја” што ќе доведе до изолација на земјата.
Американскиот амбасадор Грег Делави изјави дека таквиот потег ќе има „исклучително негативни импликации” за Косово.
„Тоа е само срам. Ова ќе биде сфатено од страна на САД како убод одназад. Косово ќе ја избере изолацијата наместо соработка”, изјави за новинарите во Приштина.
Косовскиот специјален суд, со седиште во Хаг беше формиран како резултат на притисокот на САД и ЕУ врз косовската влада да осигура одговорнот за оние кои се виновни занаводни воени злосторства од страна на Ослободителната војска на Косово (УЧК – ОВК) против етничките Срби во текот на војната за независност.
Судечките судии и обвинители се главно од САД, Канада или европски, но тоа е основано според косовскиот закон, давајќи ѝ на Приштина надлежноста за тоа. Во Холандија беше формиран да го минимизира ризикот од заплашување на сведоците и судската корупција.
Судот допрва треба да ги слушне сите случаи. Косовскиот премиер Рамуш Харадинај, претседателот Хашим Тачи и претседателот на парламентот Весели се поранешни команданти на ОВК. На 9-ти октомври Тачи ја обвини меѓународната заедница дека не ги поддржува ветувањата за земјата во замена за формирање на судот, вклучувајќи и брз процес за членство во ЕУ.
