понеделник, 29 мај 2017  |  Вести денес: 8

САД лансирањето на ракетата го припишуваат на „паранојата“ на Ким

Проектилот паднал и на околу 500 километри од територијата на Русија, истакна Хeјли

severna koreja raketa mapa

Поврзани вести

Американската амбасадорка во Обединетите нации, Ники Хејли, изјави во неделата дека „паранојата“ на севернокорејскиот челник Ким џонг-ун по неодамнешните избоди во Јужна Кореја е причина што Северна Кореја лансирала нов балистички проектил.

САД ќе продолжат да го „стегаат обрачот“ околу Северна Кореја преку меѓународниот притисок и можни санкции, изјави за американската телевизиска мрежа ABC News амбасадорка во Обединетите нации, Ники Хејли.

Проектилот паднал и на околу 500 километри од територијата на Русија, истакна Хeјли, додавајќи дека Ким Џонг-ун на тој начин нема да заслужи состанок со американскиот претседател Доналд Трамп.

Европската унија лансирањето на проектилот го нарече закана за мирот и меѓународната безбедност, но не спомена нови санкции против Пјогнјанг, а Белата куќа оцени дека „новата провокација“ е повик на „воведување уште поостри санкции“.

Северна Кореја во неделата утрото лансираше балистички проектил од регионот Кусон во близна на западниот брег, кој прелетал околу 800 километри и достигнал височина од 2.000 километри пред да падне во водите на јапонската ексклузивна економска зона.

Најчитани вести