Свет

САД: Над 600.000 луѓе без струја, откажани илјадници летови

САД: Над 600.000 луѓе без струја, откажани илјадници летови

Повеќе од 600.000 лица останале без електрична енергија во североисточниот дел на САД, а илјадници летови се откажани што предизвика вистински хаос за милиони патници.

Поради силниот ветер и мразот соборени се голем број дрвја како и електрични кабли.

Во Њу Џерси и Њујорк прогласена е вонредна состојба каде што помалите резерви на сол се користат за топење на мразот.

До крајот на јануари во Њу Џерси веќе се потрошени 277.000 тони со што е за 18.000 повеќе за разлика од претходната зима. Од невремето погодени се и Пенсилванија и Конектикат.

Само во текот на вчерашниот ден се откажани повеќе од 3.000 летови, а 7.000 доцнеле. Најтешко погодени се аеродромите во Бостон, Њујорк и Чикаго.