Американскиот претседател Барак Обама изјави дека Вашингтон разгледува различни начини, исклучувајќи ги воените средства, за да ја изолира Русија поради нејзината поддршка на сепаратистите во Украина.
Обама на прес-конференцијата во Њу Делхи истакна дека САД се мошне загрижени поради последното кршење на примирјето во Украина и од агресијата, на сепаратистите „со руска поддршка, руско оружје, руски финансии, руска обука и руски војници“.
Американскиот претседател изјави дека ги разгледува сите можни дополнителни варијанти за решавање на проблемот, при тоа исклучувајќи го воениот судир и додаде дека Вашингтон ќе се консултира по тоа прашање со меѓународните партнери, а најмногу со европските.
