Кирби наведе дека американската администрација ги разгледува недипломатсите опции како одговор на насилството во Сирија по неуспешниот прекин на оган кој го поддржаа САД и Русија, но одби да каже за кои опции станува збор.
Рускиот министер за надворешни работи Сергеј Лавров денеска го повика американскиот државан секретар Џон Кери да ги оствари ветувањата на САД, дека ќе ги одвои деловите на сириската опозиција кои се оријентирани кон Вашингтон од терористичките групи, соопшти руското Министерство за надворешни работи.
Лавров и Кери во телефонскиот разговор наведоа дека локалните воени команданти на Ал Нусра отворено зборувале за странската поддршка, вклучително и за испораката на американско оружје.
Ал Нусра фронтот неодамна се преименува во Џабхат Ал Шам.
Двајцата претставници разговарале за можните начини како да влијаат на ситуацијата во Алепо во рамки на принципите на американско-рускиот план за примирје, се наведува во соопштението на руското Министерство за надворешни работи.
Кери претходно се закани дека ќе ги прекине сите контакти со Русија во врска со Сирија, доколку не се запре руското и сириското бомбардирање во Алепо.
Стејт департментот наведе дека Кери овој ултиматум го изнел во телефонскиот разговор со Лавров.
