Свет

САД уапсија пет кинески офицери за сајбер шпионажа

САД уапсија пет кинески офицери за сајбер шпионажа

Министерството за правда на САД обвини пет офицери од кинеската војска за „информатичка пиратерија“ и „економска шпионажа“ со која се оштетени шест американски компании.

Тоа е првпат службеници од некоја странска држава  обвинети за ваква кражба на податоци, изјавил вчера министерот за правда на САД Ерик Холдер – пренесуваат медиумите.

Обвинението го покренало обвинителството во Пенсинвалнија, а се однесува на шпиунажа во периодот меѓу 2006 и 2014 година „извршена од припадници на третиот одред на Народноослободителната армија (на Кина) “.

Офицерите се обвинети дека краделе тајни податоци од американските компании специјализирани за нуклеарна и соларна енергија, како и металургија.

Меѓу тие компании се и Вестингхаус, УС Стил, Алегхени технолоџис, Алкоа како и филијалите на компанијата Солар Ворлд.

„Размерот на деловните и другите доверливи информации украдени во оваа афера е многу голема и бара агресивен одговор“ – рекол Холдер.

Тој додал и кажал  дека трговскиот успех треба да се заснова на способноста за иновација, а не на способноста „државата да шпионира и да ги краде трговските тајни“ на другите.

„Владата на САД нема да толерира акции од ниедна држава која се обидува илегално да ги саботира американските компании и интегритетот на рамноправна конкуренција на пазарот“ рекол  министерот за правда на САД Ерик Холдер.