Пејачката требаше да настапува на две доделувања на музички награди, но објави дека поради приватни проблеми нема да може да присуствува и ги откажа настапите.
Менаџерот за односи со јавноста на Шакира засега не ги коментираше озборувањата за разделбата, ниту, пак, причината за откажувањето на настапите. Шакира, која важи за голем професионалец, ваков потег никогаш не направила, коментираат трач-блоговите.
Меѓу другото, се наведува дека разделбата е поради љубомората на Пике, поради која Шакира решила да му стави крај на заедничкиот живот.
Двојката веќе месеци не е забележана заедно во јавност, а на социјалните мрежи одамна немаат објавено заедничка фотографија, нешто по што беа познати.
Шакира и Пике се запознаа за време на Светското првенство во фудбал во Јужна Африка во 2010 година. Тие не се во брак, но имаат два сина.