Свет

Салах Абдеслам во Белгија обвинет за престрелка со полицијата

Салах Абдеслам во Белгија обвинет за престрелка со полицијата

Полицијата во Белгија го обвини осомничениот за терористичките напади во Париз Салах Абдеслам за престрелка со полицијата за време на неговото апсење, неколку дена пред бриселските напади, јавува „Дејли Експрес“.

Во пресметката едно лице било убиено, а четворица полицајци биле повредени.

Тој е обвинет за обид за убиство сам или во придружба, изјави адвокатот на Абдеслам Свен Мари.

Инаку се очекува дека Абдеслам ќе биде екстрадиран во Франција во следните неколку дена, каде со товари дека бил организатор на терористичките напади во Париз од 13-ти ноември минатата година во кои загинаа 130 лица.