Самер: Робен на исто ниво со Меси, Роналдо и Неимар

Спортскиот директор на актуелниот светски и европски клупски шампион Баерн Минхен, Матиас Самер е убеден дека холандскиот интернационалец Ариен Робен е на исто ниво со најдобрите фудбалери на денешницата, Лионел Меси и Кристијано Роналдо.

“Според мене, Робен е на исто ниво со најдобрите фудбалер на денешницата Лионел Меси и Кристијано Роналдо. На исто ниво е и со репрезентативецот на Бразил, Неимар. Робен заслужува максимален респект поради се тоа што го направи во изминатата и актуелната сезона, особено во најважните натпревари. Фудбалер од светска класа, вистински професионалец и е од голема важност за Баерн Минхен. Има статус на недопирлив, статус на филмска или рок ѕвезда”, изјави спортскиот директор на баварскиот гигант.

Доколку преземете содржина од оваа страница, во целост сте се согласиле со нејзините Услови за користење.