Сан Антонио ќе биде моќен – Вест ќе ја засили играта под кошевите

Сан Антонио најверојатно ќе ја има најдобрата центарска линија во НБА лигата, се разбира доколку нивниот план се оствари.

Како што пренесуваат американските медиуми, “Спарси” ќе го ангажираат и 34-годишниот Дејвид Вест за ветерански минимален договор.

Двокраниот Ол-стар би дошол од Индијана, тим кој го напушти бидејќи смета дека не се конкретни во борбата за титулата.

Вест минатата сезона просечно бележеше 11,7 поени и 6,8 скокови по натпревари.

“Мамузите” пред неколку дена го ангажираа еден од најдобрите кошаркари во НБА лигата на центарската позиција Ламаркус Олдриџ, а Ману Џинобили најави дека ќе го продолжи договорот за уште една година.

Сите овие засилувања ќе го вбројат Сан Антонио во најтесниот круг кандидати за НБА титулата следната сезона.

Доколку преземете содржина од оваа страница, во целост сте се согласиле со нејзините Услови за користење.