Спорт

Англиска Премиер лига Саутемптон до бодови на спасот, Свoнси на чекор до испаѓање, ВБА во понизок ранг

Саутемптон до бодови на спасот, Свoнси на чекор до испаѓање, ВБА во понизок ранг

Во одложениот меч од 31-то коло на англиското фудбалско првенство во вторникот вечерта, во дуелот кој одлучуваше за патниците во понискиот ранг на натпреварување, Саутемптон на гостувањето го совлада Свонси Сити со 1:0 и дојде до бодовите на опстанокот.

Решавачкиот погодок го постигна Маноло Габиадини во 72 минута, откако шутираше Чарли Остин а Лукаш Фаијански одбрани. Тоа беше дури петти удар на мечот на Остин во рамките на противничкиот гол и сите пет пати Фабијански ги одбрани неговите удари.

Со оваа победа Саутемптон и практички го обезбеди опстанокот во Премиер лигата, но го турна Вест Бромвич Албион во понизок ранг на натпреварување. Од претходно е познато дека елитното натпреварување го напушта Стоук Сити, а последниот патник во Чемпионшим е биде Свонси Сити, Хадерсфилд Таун или Саутемптон.

Хадерсфилд ќе се спаси доколку во средата во одложениот меч од 35-то коло во Лондон освои барем бод против Челзи. Доколку биде поразен, пак, одлуката ќе падне во последното коло.

Во пресрет на последните 90 минути од првенството, Саутемптон е во најдобра позиција. Има три бода повеќе од Свонси, но и девет голови подобра гол-разлика. Хадерсфилд, исто така, има три бода повеќе од Свонси но и полоша гол-разлика, а во последното коло го очекува Арсенал. Свонски Сити во последното коло ќе биде домаќин на отпишаниот Стоук Сити, додека Саутемптон ќе игра дома против новиот шампион Манчестер Сити.