Македонија

Саздов: СДСМ и Зоран Заев немаат никакво оправдување за поразот кој што им претстои

Саздов: СДСМ и Зоран Заев немаат никакво оправдување за поразот кој што им претстои

ВМРО ДПМНЕ бара од ДИК и од МВР, двете најодговорни институции за спроведување на изборите, каде СДСМ има контрола да бидат на висина на задачата и да ги преземат сите активности што треба да ги превземат со цел да маме кредибилни избори на 5 јуни. СДСМ и Зоран Заев нема никакво оправдување за поразот кој што им претстои, рече на денешната прес конференција пратеникот од редовите на ВМРО – ДПМНЕ, Павле Саздов.

Интегрален текст од изјавата на Саздов:

СДСМ и медиумите финансирани од нив и Сорос, ме обвинија дека поседувам куќа во Бутел и дека на таа адреса се регистрирани 15 гласачи. Јас куќа и стан во Република Mакедонија не поседувам, а на адресата на која што живеам сме регистрирани само јас и мојата сопруга што може да се види со обична проверка на избирачкиот список.

Толку од аферите на СДСМ.

Јавноста треба да знае дека разликата меѓу поддршката што ја има ВМРО ДПМНЕ и онаа што ја ужива СДСМ не се 10 гласови, не се 100, не се 1000, туку се 200 000 гласа разлика. Оваа разлика се повторува изминативе десет години во сите избирачки циклуси. Јас сум сигурен дека со продолжување на деструктивните сценарија од страна на СДСМ тие ќе тонат уште подлабоко и таа разлика од 200 000 гласа на изборите на 5 јуни ќе биде уште поголема.

Со ова СДСМ остана без алиби за поразот кој наближува на 5-ти јуни.

После 10 години во опозиција, ВМРО ДПМНЕ има двојно поголем рејтинг од СДСМ и секому сега му е јасно зошто. Со лаги и манипулации не се стекнува доверба кај граѓаните.

ВМРО ДПМНЕ бара од ДИК и од МВР, двете најодговорни институции за спроведување на изборите, каде СДСМ има контрола да бидат на висина на задачата и да ги преземат сите активности што треба да ги превземат со цел да маме кредибилни избори на 5 јуни. СДСМ и Зоран Заев нема никакво оправдување за поразот кој што им претстои.