Македонија

СДСМ: Додека Груевски е во скапиот дворец, родителите со селотејп ги составуваат учебниците

СДСМ: Додека Груевски е во скапиот дворец, родителите со селотејп ги составуваат учебниците

Од СДСМ денеска реагираат дека бесплатните учебници кои им се даваат на учениците се во многу лоша состојба.

„Додека Груевски и соработниците, удобно сместени во скапиот дворец на ВМРО-ДПМНЕ во центарот на Скопје листаат агенди со која лага е најдобро да излезат во јавноста, родителите со селотејп составуваат страници на учебници од кои цела година треба да учат нивните деца.

Тоа не е единствената мака на родителите.

Над 30 проценти од родителите, според статистиките, земаат плата под 10.000 денари!

А треба да одвојат околу 9.000 денари во просек, за еден ученик. Ако имаат две деца кои одат на училиште, 18.000 денари.

Ова е образованието на Никола Груевски и Спиро Ристовски кое е “знаење и моќ“.

СДСМ ќе го обнови од темел разрушениот образовен систем. Ќе обезбедиме соодветни и достоиствени услови за учење на учениците, за работа на наставниците и професорите и систем што ќе ги поддржи родителите да ги израснат децата во израснат здрави, спокојни и квалитени личности кои ќе бидат вистинска движечка сила за иднината на Македонија“, соопштуваат од СДСМ.