СДСМ се откажа од активна регистрација на гласачите

СДСМ се откажа од активна регистрација на гласачите, со што се потврди дека поради маркетинг го оспорува избирачкиот список, обвини Илија Димовски од ВМРО-ДПМНЕ по денешните преговори меѓу четирите политички партии.

-Ставот на ВМРО-ДПМНЕ беше дека избирачкиот список и таков каков што е денеска ги исполнува стандардите за одржување на фер и легитимни избори, но понудивме опција до сите политички партии било каков предлог кој ќе го усогласат за зголемување на нивната доверба во изборниот процес, односно во избирачкиот список, за нас е прифатлив заради тоа што нема што да се крие. Тоа на крај се докажа со откажувањето на СДСМ од активната регистрација. Нивните тврдења дека изборите не биле фер и не биле легитимни, самите си ги негираа со повлекување на тој предлог, истакна Димовски.

Доколку преземете содржина од оваа страница, во целост сте се согласиле со нејзините Услови за користење.