сабота, 3 декември 2016  |  Вести денес: 0

СДСМ: Власта на Груевски е најголемиот загадувач

Според извештајот на Светска банка, Македонија е на петото место според годишните смртни случаи предизвикани од загаден воздух, од ПМ 10 честичките, се посочува со соопштението на СДСМ.

sdsm

Последни вести

Ќе вложуваме во изградба на соодветна инфраструктура која ќе го олесни возењето велосипед во градските средини, кое моментално е тежок предизвик – најчесто велосипедски патеки нема, а таму каде што ги има често се запоставени и служат како паркинг простор за автомобили, соопштија од СДСМ.

Инетегрално соопштение на СДСМ:

Денот без автомобил ќе биде еден од деновите во чиста животната средина.

Ќе поддржуваме паметен и еколошки градски јавен превоз и ќе го вратиме урбаното зеленило кое е еден од важните фактори за намалување на загадувањето. Со измени во Законот за просторно и урбанистичко планирање, секој инвеститор ќе треба, освен број на паркинг места за своите објекти, да обезбеди и простор за задолжителна квадратура со зеленило.

Ова се само дел од нашите мерки.

Според извештајот на Светска банка, Македонија е на петото место според годишните смртни случаи предизвикани од загаден воздух, од ПМ 10 честичките.

Власта на обвинетиот Груевски е најголемиот загадувач бидејќи во последните 10 години од Скопје направи најзагаден град во Европа.

Причини за тоа има многу, а дел од нив е и во следната листа на уништени паркови и зелени површини само во изминатите неколку години:

-Регионалниот пат до Сончев град на Водно

-Сеча на Водно за „Македонско Етно Село“

-Уништен паркот спроти хотел Бристол поради изградба на административна зграда (10-катница)

-Уништени два паркови спроти старата железничка станица

-Уништен парк пред Домот на АРМ

-Уништено зеленило во паркот Жена Борец со поставување десетици споменици и скулптури

-Уништен паркот пред КИЦ за изградба на катна гаража

-Уништен паркот зад Собранието на РМ за изградба на катна гаража

-Уништени двете зелени парцели околу плоштадот Македонија за изградба на хотел и градска куќа

-Уништен паркот зад главната пошта за изградба на барокна катна гаража

-Исечени старите дрвореди на Илинденска и Климент Охридски заради проширување на лентите за автомобилите

-Исечени 47 дрвја на УКИМ

-Незаконска сеча во Скопска Црна Гора која беше и причинител на поплавите во Стајковци

-Сеча на сите дрвја на плоштадот Карпошово Востание, меѓу црквата Св. Димитрија, Меморијалниот центар на холокаустот и Музејот на македонската борба. На овој простор сега има само бетон и споменици.

-Сеча над Детската болница „Козле“ на Водно за да се изгради пат за приватна парцела.

-Сеча во паркот кај киното во Кисела Вода.

-Сеча на дрвја во Карпош за изградба на катна гаража.

-По 11 декември ова ќе се промени. Вистински ќе се посветиме за да живееме во здрава животна средина.

 

Најчитани вести