ВМРО-ДПМНЕ 11 години го уништуваше судството и преку партизација на судските органи го погази правниот поредок, а реформите носат независно и професионално судство, се наведува во реакцијата на СДСМ.
„ВМРО-ДПМНЕ преку своите инсталации во Сваровски судството цели 11 години нарачуваше и монтираше случаи и пресуди и на тој начин се пресметуваше со неистомислениците.
Денес, единствените кои се исплашени од профункционирањето на правната држава се Никола Груевски и неговите соработници кои преку децениското криминално владеење им нанесоа огромни штети граѓаните и државата.
Владата предводена од СДСМ, во интерес на граѓаните, започнува реформски процес кој согласно европските пракси и препораките од Извештајот на Прибе, ќе донесе професионално, независно и неселективно судство.
Наместо досегашното партизирано сваровски судство, Македонија ќе добие независно и професионално судство. Република Македонија мора да биде и ќе биде правна држава во која законите ќе важат за сите подеднакво без разлика на нивната етничка, верска, политичка или каква било припадност“, велат од СДСМ
