Македонија

Се исполнуваат ветувањата дадени пред граѓаните

Се исполнуваат ветувањата дадени пред граѓаните
Меѓу народот сме препознаени како политичка гарнитура која стои зад дадениот збор, политичари кои ги остваруваат дадените ветувања и работат на исполнување на барањата и потребите на граѓаните. Ние го испорачуваме ветеното и тоа е голема одговорност.

Вака лидерот на ВМРО-ДПМНЕ, Никола Груевски, го отвори денешниот состанок со владини министри, заменици министри и градоначалници на кој беше направен преглед на ветувањата дадени при теренските посети и на нивната реализација.

По средбите со граѓаните, веднаш се пристапува на решавање на проблемите и исполнување на барањата. Дел од нив веќе се спроведени и завршени, а други во длабока фаза на реализација.

При посетата на градот Охрид, граѓаните пред Груевски истакнаа две барања од село Коњско. Тоа е осветлување на влезовите од селото кое е веќе завршено, а иако граѓаните побараа асфалтирање на две улички, ќе бидат целосно обновени три во вкупна вредност од 2,3 милиони денари. Готови ќе бидат до крајот на годинава.

sostanok-proekti

Министерот за транспорт и врски, Владо Мисајловски информираше дека се работи на патот Гостивар-Кичево каде пред се ќе се прави рехабилитација на коловозот. Истовремено се бара и концесионерот за градба на нов автопат. Инвестицијата тежи 6 милиони, а постапката се очекува да започне следниот месец. Веќе е потпишан договор и месецов почнува градба на Неготино-Демир Капија. Градбата на патот долг 8 километри во два правци ќе трае една година, а сообраќајот ќе се одвива со привремен режим. Ќе се градат и патиштата кај Пештани и Требениште, на барање на граѓаните.

По посетата на Груевски, се решава и проблемот со водоснабдувањето во Велгошти. Во летниот период, рекоа граѓаните, се намалува притисокот на вода поради наводнувањето. Градоначалникот на Охрид на денешниот состанок информира дека се сработил проект и дека ќе биде поставена пумпна станица која ќе го реши овој проблем. Изведбата почнува во октомври и е вредна 1,5 милиони денари.

Исполнети се барањата на жителите на Радожда. Веднаш по средбата со граѓаните, информираше министерот Мисајловски, беше саниран патот, а се зафати со работа и во делот Струга-Калишта. На големо задоволство на децата и родителите, ќе биде исполнето барањето за реконструкција на училиштето.

Заменик министерот Спиро Ристовски информираше дека направен е веднаш увид и е одлучено да се направи темелна реконструкција. Истата ќе биде реализирана следново лето, додека дечињата се на распуст.

Во Радожда се спроведува изградба на колекторскиот систем вреден 8-10 милиони евра, а е завршено асфалтирањето на патот Ливадишта-Елен Камен.

sostanoook

Се остварува ветеното и за жителите на Македонски Брод. Патот преку Јасен ќе значи исполнување на долгогодишен проблем. Патот ќе биде долг 14.5 километри, а неговата вредност е 3 милиони евра.

Нема повеќе страв кај жителите на Шипковица од следно невреме. Исполнето е нивното барање и карпите се минирани и отстранети. Повеќе нема опасности од одрони иако Мисајловски потенцира дека редовно ќе се врши и контрола. Ќе се гради и клучка за Брвеница, а за исполнување на ова ветување се издвоени 60 милиони денари.

Во Струга ќе се гради единечен тениски терен на женска плажа како и повеќенаменско игралиште за одбојка, ракомет и мал фудбал. Во Зубовце започна изградба на повеќенаменско игралиште кое ќе биде готово за два месеци, а во Циглана е веќе избран изведувач и игралиште ќе почне да се гради наскоро.

Се работи на изградба на водоводот во Долнени, инвестиција вредна 8 милиони.

Жителите на Бучим побараа нова градинка или дневен центар. Денес министерот Диме Спасов на состанокот информираше дека со пари на општината ќе се реновира во целост, а МТСП ќе го финансира опремувањето на оваа градинка која ќе ги згрижи дечињата.

1,8 милиони евра беа вложени за градбата на делницата на патот Гостивар-Тетово, Брвеница-Чегране.