На денешната седница на Собранието на Република Македонија посветена на пратенички прашања, пратеничката Слаѓана Митовска од редовите на ВМРО-ДПМНЕ постави пратеничко прашање до министерот за трансторт и врски Миле Јанакиески и се однесуваше на патниот правец од Куманово до границата со Бугарија односно до Ранковце.
Министерот потенцираше дека се работи за експресен пат кои што подоцна може да биде и автопат во зависност од потребите. Должината на оваа делница е 22 километри додека ширината е проектирана на 12,5 метри. Самата инвестиција е проценета на 66 милиони евра и дека во фаза е изготвување на проектна документација и се очекува целокупниот проек да биде одобрен од Светската банка и во првата половина од 2016 година да започнат градежните активности.