вторник, 22 август 2017  |  Вести денес: 17

Се отвори градинка за дечињата од Канатларци

Спасов истакна дека еден од приоритетите на Владата и на Министерството за труд и социјална политика е обезбедување на современи услови за згрижување и воспитание на деца од предучилишна возраст.

Последни вести

Дваесеттина деца ќе бидат згрижени во новата градинка во н.м Канатларци, која денеска беше пуштена во употреба во присуство на заменик министерот за труд и социјална политика, Диме Спасов и градоначалникот на Прилеп, Марјан Ристески.

Спасов истакна дека еден од приоритетите на Владата и на Министерството за труд и социјална политика е обезбедување на современи услови за згрижување и воспитание на деца од предучилишна возраст.

-Една од формите на којашто активно работевме во изминатиов период за опфат на деца од предучилишна возраст е отворањето нови групи во други просторни услови, се со цел достапност на услугата и за децата во руралните средини. Мрежата на јавни детски градинки во наредниот период ќе биде проширена ширум земјата бидејќи наша заложба е сите деца да имаат можност за згрижување и воспитание, независно од местото на живеење, а ние како Министерство ќе направиме сè за тоа да им го овозможиме, посочи Спасов.

gradinka-kanatlarci2

Градоначалникот Ристески информираше дека општината вложила триста илјади денари за адаптација на просторот и за инвентарот.

-Новата градинка во населеното место Канатларци, го реши децинискиот проблем со згрижување на децата од претшколска возраст. Во соработка со Министерството за труд и социјална политика во континуитет ги прошируваме капацитетите, посочи градоначалникот Ристески.

gradinka-kanatlarci

Заменик министерот за труд и социјална политика, Диме Спасов и градоначалникот Марјан Ристески, денеска го посетија и просторот кој ќе биде наменет за граѓаните од третото доба, првиот дневен центар кој треба да се отвори во Прилеп во населбата Варош.

Најчитани вести