Македонија

Се продаваат нови 25 градежни парцели во четири зони во Гевгелија

Се продаваат нови 25 градежни парцели во четири зони во Гевгелија
Општина Гевгелија денеска објави продажба на нови 25 градежни парцели, од кои 21 за станбени куќи и четири за објекти од лесната индутрија кои се лоцирани во четири градски зони.

Според известувањето од одделението за урбанизам, сите парцели ќе се продаваат со почетна цена од 61 денар за квадрат.

Шест од понудените градежни парцели за станбени куќи,чија површина се движи од 312 до 543 квадрати, се наоѓаат во населбата „Касарна“ само три градежни парцели за станбени куќи со посебен режим, со површина од 1.120 до 1.480 квадрати, се понудени во населбата „Мрзенски рид“, а најмногу, поточно 12 парцели со зафатнина од 292 до 574 метри квадратни, се наоѓаат во населбата „Караорман“.

Понудените четири парцели за изградба на објекти од лесната незагадувачка индустрија, чија што површина се движи од 2.684 до 5.457 квадрати,се наоѓаат во месноста „Сува река“ во јужната градска зона каде на претходната аукција беа продадени две парцели.

Понудите за градежните парцели за станбени куќи треба да се достават најдоцна до 5 октомври, за објектите од лесната индустрија до 17 октомври, а електронското јавно наддавање ќе се одржи на 19 октомври со почеток во 11 часот.