Се запали старата спортска сала во Миравци. Синоќа околу 20:30 часот во Територијалната противпожарна единица во Гевгелија била примена дојава за пожар во населеното место Миравци на објект од стара спортска сала.
Од страна на единицата излезено е на лице место со две противпожарни возила и со пет пожарникари и по интервенцијата од нивна страна пожарот е изгаснат и не е дозволено негово проширување.
Се работи за објект кој не е под струен напон, изгорен е кровот на објектот и дел од внатрешноста.
Надлежните служби денес ќе извршат увид на лице места за да ги откријат причините за настанување на пожарот.