вторник, 23 мај 2017  |  Вести денес: 55

ОН: Се зголемува бројот на заразени од сида во Русија

И покрај намалувањето на распространетоста на оваа епидемија од нејзиниот пик, достигнат во 1997 година, во светот има 36,7 милони лица носители на вирусот на сида, од кои повеќето се во подсахарска Африка, се наведува во извештајот.

hiv5

Поврзани вести

По повеќегодишниот константен пад на бројот на новозаболени од вирусот на сида во светот, овој тренд во последните неколку години нагло е запрен, главно заради големиот раст на нови случаи во Русија, покажува денеска објавениот извештај на агенцијата на ОН за сида УНАИДС.

Во документот, сочинет на 286 страници, се проценува дека во периодот меѓу 2010 и 2015 година со вирусот на сида годишно се инфицирале по 1,9 милион возрасни лица.

И покрај намалувањето на распространетоста на оваа епидемија од нејзиниот пик, достигнат во 1997 година, во светот има 36,7 милони лица носители на вирусот на сида, од кои повеќето се во подсахарска Африка, се наведува во извештајот.

За разлика од овие податоци, од 2001 година до сега бројот на заразени деца е опаднат за повеќе од 70 отсто и оваа тендеција и натаму трае.

Целта на ОН е оваа епидемија да ја искорени до 2030 година. Меѓутоа, од 2010 година запрен е трендот на намалување на бројот на инфицирани и дури во некои области бројот на новозаболени тргна да се зголемува.

Во источна Европа и во централна Азија во текот на последните пет години бројот на нови случаи се зголеми за 57 отсто, а од нив 80 отсто случаи се регистрирани во Русија и 10 отсто во Украина.

Од појавувањето на епидемијата, пред повеќе од 30 години, 35 милиони лица умреле од болести поврзани со вирусот ХИВ. Најмногу се погодени хомосексуалците, проститутките и нивните  клиенти, трансродните лица, лицата кои се дрогираат со инјекции и затворениците, се наведува во извештајот на агенцијата за сида на ОН.

Најчитани вести