Во републичкото Собрание за денеска се закажани седници на комисиите за политички систем и односи меѓу заедниците, за европски прашања, за култура, за транспорт, врски и екологија и на Законодавно-правната комисија.
Комисијата за политички систем треба да расправа за годишните извештаи за работата на Советот на јавните обвинители и на Судскиот совет за 2014 година и за предлог-законите за изменување и дополнување на законите за управување со конфискуван имот, имотна корист и одземени предмети во кривична и прекршочна постапка и за спречување на корупцијата, во прво читање.
На дневен ред на Комисијата за европски прашања е Предлог-законот за изменување и дополнување на Законот за заштита на потрошувачите, во прво читање, а на Комисијата за транспорт Предлог-законите за изменување и дополнување на законите за воздухопловство и за превоз во патниот сообраќај, во второ читање.
Членовите на Комисијата за култура, пак, треба да расправаат за предлог законите за изменување и дополнување на законите за музеите и за библиотеките, во второ читање.
