По повод 70 годишниот јубилеј од конституирањето на Врховниот суд на Република Македонија, во вторник во големата сала на Врховниот суд на Република Македонија – 1-ви кат, ќе се одржи одбележување на Денот на правосудството.
Во рамки на одбележувањето Претседателот на Врховниот суд на Република Македонија ќе го промовира на јавноста издавањето на Збирката на судски одлуки 2004-2014 на Врховниот суд на Република Македонија и воедно Здружението на судиите на Република Македонија ќе го промовира на јавноста Кодексот за судиска етика на судиите во Република Македонија донесен од Собранието на Здружението на 20.6.2014 година.