Синот на Фијат Цановски, Сефер Цановски на 2-ри јануари годинава управувајќи го својот автомобил „Бентли“ во алкохолизирана состојба учествувал во сообраќајна несреќа со повредени пешаци, пишува „Курир“.
Имено, според информациите за пријавена сообраќајна несреќа случена на 2-ри јануари во Струга на ул. „15-ти Корпус“, учествувале две возила, марка „мерцедес“ управувано од Ж.П. и возило марка „бентли“ управувано од Сефер Цановски. Во незгодата учествувале и двајца пешаци.
Цановски изгубил контрола над „бентлито“, излетал надвор од коловозот и удрил во пешаците кои по тротоарот туркале велосипед. Во сообраќајната несреќа со телесни повреди се здобиле Цановски и пешаците Е.М. и С.З. кои биле пренесени во медицинскиот центар во Струга, по што Цановски и С.З. биле пуштени на домашно лекување,, а Е.М. била задржана за лекување.
Извршено било и алкотестирање на учесниците во сообраќајката, при што кај Сефер Цановски биле утврдени 0,48 промили алкохол во крвта.
ФОТО: ohridsky.com