Македонија,Економија

Секој ден низ светот се купуваат по 54.000 шишиња македонско вино

Секој ден низ светот се купуваат по 54.000 шишиња македонско вино

Вкупното производство на грозје во 2013 година ќе го надмине досегашниот рекорд од вкупно 250 илјади произведено грозје во Македонија. Ова го истакна министерот за земјоделтво, шумарство и водостопанство Љупчо Димовски на денешната отворена седница на Владата на Република Македонија.

Годишно надвор од Македонија, како што посочи ресорниот министер, се извезувааат 16,5 милиони литри македонско вино.

Тој потенцираше и дека извозот на македонско вино оваа година е значително зголемен и заклучно со 30 ноември 2013 година се извезени вкупно 735.483 хекто -литри грозје во износ од 42 милиони евра.

-Секојдневно 54 илјади шишиња македонско вино се купуваат и конзумираат низ светот, потенцираше Димовски, додавајќи дека Македонија е веќе позната како земја на виното низ светот.

Димовски истакна дека годинава е забележано зголемување на количините на произведено вино за 74 отсто, а зголемувањето на вредноста од произведеното вино е зголемана за 55 отсто.

За 27 проценти е зголемено производтвсото на винско грозје во споредба со минатата година, истакна Димовски.