Балкан

Секој петти жител на Бугарија сака да ја напушти земјата и да најде работа во ЕУ

Секој петти жител на Бугарија сака да ја напушти земјата и да најде работа во ЕУ

Околу 20 отсто од државјаните на Бугарија сакаат да ја напуштат земјата за да работат во некоја од земјите членки на Европската унија, покажуваат најновите истражувања.

Едно од истражувањата е спроведено два месеци по отворањето на европскиот пазар за работна сила.

Анкетата спроведена во период од петти до 11-ти февруари на примерок од 1.000 испитаници покажува дека процентот на луѓе на возраст од 18 до 39 години, кои сакаат да работат во странство, е двојно поголем од просекот и достигнува 37 отсто.

Освен возраста, факторите кои што влијаат на желбата за миграција се местото на живеење и етничката припадност.

Поголем интерес за заминување од просечниот е регистриран меѓу припадниците на ромската и турската заедница.

Високото образование не е пресудно за напуштање на Бугарија, па така учесниците во анкетата со високо образование кои сакаат да работат во странство е под просекот.