Скандал ја тресе американската воена морнарица. Најмалку 12 морнари гледале тајни снимки од нивните колешки, додека се капеле голи во подморницата, и тоа во период од десет месеци.
Ова откритие е голем удар за програмата за полова еднаквост во морнарицата која започнала пред четири години.
За сега постои сомнение дека еден морнар бил одговорен за продукција и дистрибуција на видео снимките, додека други 11 лица се под истрага бидејќи ги гледале, а притоа не пријавиле на надлежните.
Сè уште не е познато колку жени биле снимени, а некои офицери сметаат дека станува збор за три или четири жени.
Сите служеле во подморницата “Wyoming”, која е стационирана во Кингс Беј. Станува збор за првите жени во историјата кои служеле во подморница.