Спорт

Квалификации за СП 2018 Сенегал се пласираше за мундијалот во Русија

Сенегал се пласираше за мундијалот во Русија

Фудбалерите на Сенегал се пласираа на Светското првенство коешто следната година ќе се игра во Русија, откако во Јоханесбург ја совладаа Јужноафриканската Република со 2:0.

Со оваа победа Сенегал го потврди првото мести во Групата Д од африканските квалификации, коешто директно води на мундијалот, со головите коишто ги погодија Сака во 12 и со автоголот на М’каизе во 38 минута.

За селекцијата на Сенегал ова ќе биде вториот настап во историјата на светските фудбалски првенства, откако во 2002 година се пласираа во четвртфиналето.

Сенегал е вкупно 24-от национален тим кој се палсирапе досега на СП и третиот африкански по Нигерија и Египет. Русија ќе биде домаќин на Бразил, Уругвај, Аргентина, Колумбија, Иран, Јапонија, Јужна Кореја, Саудиска Арабија, Мексико, Костарика, Панама, Германија, Англија, Белгија, Шпанија, Полска, Исланд, Србија, Франција и Португалија.