сабота, 24 декември 2016  |  Вести денес: 21

Шешељ запали знамиња на ЕУ и НАТО

Шешељ истакна дека Србија повеќе не е независна по потпишувањето на договорот со НАТО и во знак на протест поради тоа ги запали знамињата на ЕУ и НАТО

шешљ

Поврзани вести

Лидерот на Српската радикална партија, Војислав Шешељ денеска пред зградата на Специјалниот суд во Белград запали знамиња на ЕУ и НАТО.

Шешељ денеска требаше да биде сослушан во Специјалниот суд во врска со барањето на Хашкиот суд за неговото предавање на Трибуналот, каде на 31 март треба да му биде изречена првостепена пресуда, но сослушувањето беше откажано поради процедурални причини.

Шешељ пред Судот изјави дека сослушувањето е откажано, бидејќи Советот на Меѓународниот суд во Хаг не испратил одговор на барањето на Србија за одредени процедурални прашања.

– Едвај чекам рочиштето повторно да биде закажано за да им објаснам од кои правни причини не може да бидам предаден на Хашкиот трибунал, напомена лидерот на српските радикали, пренесува МИА.

Шешељ истакна дека Србија повеќе не е назависна по потпишувањето на договорот со НАТО и во знак на протест поради тоа ги запали знамињата на ЕУ и НАТО.

Најчитани вести