Репрезентацијата на Данска во голем стил ја стартуваше одбраната на титулата на Светското првенство за кадетки што се одржува во Македонија. Данките ја дмолираа репрезентацијата на Узбекистан со 60:18. Азискиот состав само 12 минути му се спротивстави на големиот фаворит, кој потоа целосно ја превзеде контролата и над играта и над резултатот, покажувајќи зошто важи за главен фаворит за златото и на шампионатот.
Две минути им беа потребни на данските ракометарки за да стигнат до +20 (29-9), максимално користејќи ги честите технички грешки што Узбекистанките продолжија да ги прават. Остатокот од мечот беше само формалност, данските ракометарки почнаа и со атракции да ги круниисуваат сопствените соло-акции.
Педерсен беше најефикасна со девет погодоци од исто толку обиди кон противничкиот гол, додека по осум пати мрежата на Узбекистан ја затресоа Богелунд и Кристијансен. Најефикасна во таборот на Узбекистан беше Абдулхамидова со девет погодоци.
