Шест кандидати во трка за градоначалник на Тирана

Во албанската метропола,Тирана, нормално се одвива глаaсњето во сите 866 гласачки места, објави МИА.

Во единствениот избирачки список за Тирана запишани се 608.829 лица со право на глас, а својот глас треба да го дадат за еден од шестте кандидати.

На гласачкото ливче прв е независниот кандидат Ѓерѓи Бојаџи, по него е Сазан Гури, трет е кандидатот на десницата, демократот Халим Косова, по него е Димитар Мусли, петти на ливчето е Арбен Тафај и шести социјалистот Ерион Велиај,кандидат на лeвицата.

Иако има шест кандидати, главната битка ќе се води меѓу Велиај и Косова. Попознато име меѓу шестмината кандидати е она на Бојаџи, кој беше генерален дирекор на албанската електоркорпорација, КЕШ.

Халим Косова(61) по професија е гинеколог, додека Ерион Велиај(36) политички студии завршил во САД, а е еден од основачите на движењето „Мјафт“(Доста).

Инаку, изборите во Албанија ги набљудуваат три илјади набљудувачи, од нив 274 се од ОБСЕ-ОДИХР.

Доколку преземете содржина од оваа страница, во целост сте се согласиле со нејзините Услови за користење.