Шест ткаенини погодни за летните горештини

На сите ни е добро познато дека полиестерот е една од најнеудобните ткаенини и целосно треба да го избегнуваме за време на летните горештини, затоа што не „дише“ и ја задржува топлината. Но дали знаете кои ткаенини и материјали не го поттикнуваат потењето.

Еве попис на шест ткаенини со кои што летото ќе ви биде многу попријатно:

  1. Лен

len

Тоа е пријатна ткаенина која што слободно може да се нарече „вентилатор“ помеѓу ткаенините. Пропушта воздух до вашето тело и така го спречува потењето. Има само еден недостаток, мошне лесно се гужва, но тоа и онака воопшто не е важно додека траат горештините.

  1. Памук

pamuk

Оваа ткаенина е непобедлив избор за жешките летни месеци. Тоа е една од ткаенините што најмногу пропуштаат воздух, не ја задржува топлината, ја впива влагата од телото и го активира нејзиното испарување.

  1. Кепер

keper

Најчесто се произведува од памук или од негова мешавина и се смата за најдобра летна замена за трапер. Ако и додека траат летните горештини не отстапувате од долгите пантолони, тогаш изберете модели изработени од кепер затоа што во нив ќе се чувствувате попријатно.

  1. Вискоза

viskoza

Едно од најпопуларните синтетички влана што настанува од остатоците на целулозните влакна и по хемиски состав доста е слично со памукот. Токму поради тоа вискозата е пријатна за носење додека траат горештините и го разладува телото.

  1. Свила

svila

Тоа е природна ткаенина што „дише“ и која што е позната по тоа дека се прилагодува на температурите, па во зима ве грее, а во лето ве лади. Иако не го поттикнува потењето, мошне е тенка и мека па лесно се „лепи“ на испотената кожа.

  1. Шифон

shifon

Се изработува од различни мешавини, а кога е направен од памук и свила станува идеален материјал за летна облека. Најчесто се користи за изработка на фустани и кошули, затоа што е доста лефтерен.

Доколку преземете содржина од оваа страница, во целост сте се согласиле со нејзините Услови за користење.