Македонија

Штрајк во Охрид нема да има, изостана поддршката за СОНК

Штрајк во Охрид нема да има, изостана поддршката за СОНК

Наставниците на училиштата на ниво на град Охрид донеле одлука да не го подджат најавениот штрајк на СОНК во понеделник.

-Ние досега немаме пуштено ниту едно барање до Секторот за јавни дејности, односно Секторот за образование при општина Охрид, дека некој од предметните наставници ќе земе право за штрајк, односно да најдеме соодветна замена. Слушајќи ги изјавите на регионалниот одбор на СОНК во Охрид, знаеме дека наставниците на ниво на град Охрид се согласиле да не го поддржат штрајкот, изјави претседателот на Активот на директори на училишта во Охрид Јордан Пуроски.

Тој воедно порача дека наставата во понеделник во сите училишта ќе се одвива редовно, а учениците се должни да дојдат на училиште и да ја следат наставата.

Пуроски потенцираше дека не смее да се дозволи маргинализација на образованието на децата и да се става истото во втор план. Поради тоа апелираше да не се злоупотребуваат учениците.