Магазин

Силата на гравитацијата се промени поради топењето на мразот на Антарктикот

Силата на гравитацијата се промени поради топењето на мразот на Антарктикот

Во последните неколку години на Антарктикот се изгуби толку многу мраз, што се промени силата на гравитација, предупредуваат експертите на Европската вселенска агенција (ESA).

Гравитацијата варира во зависност од локацијата, обемот и густината на карпите мраз, а ова откритие укажува на тоа дека во краток временски период во Антарктикот се стопиле неколку милијарди тони мраз.

– Топењето на мразот на Антарктикот во периодот 2009-2012 година, резултираше со намалување на тежината на површина – објави на својата веб-страница ESA. Прецизните мерења на гравитацијата во различни делови на земјата ги објави сателитот „Gravity Field“ и „Steady-State Ocean Circulation Explorer GOCE“, кој во ноември 2013 година ја заврши четири годишната мисија, затоа што остана без гориво и изгоре во атмосферата.

Претходно оваа година, група на научници соопштија дека почна незапирливо топење на глечерите на Антарктикот и се проценува дека глобалното ниво на морето во текот на следните неколку векови може да се зголеми неколку метри.

Според сегашните проценки, нивото на морето и океаните во светот до крајот на овој век би можело да порасне на околу 1,3 метри, главно поради топењето на мразот на Антарктикот.