Шилегов: Кога е загадено, нема да се возат стари автомобили (ВИДЕО)

Скопскиот градоначалник Петре Шилегов денеска по средбата со скопските градоначалници најави дека ќе се мапираат возилата и оние кои повеќе загадуваат нема да смеат да се вклучуваат во сообраќајот кога во Скопје ќе се регистрира големо загадување на воздухот

Тоа значи дека ако имате постар автомобил кој повеќе загадува нема да смеете да го управувате во деновите кога е најзагадено.

Градот планира да направи база и да ги рангира сите автомобили и да ги подели во групи, па во зависност од нивото на загадување да се дозволува или забрани нивно учество во сообраќајот.

Тоа значи дека во периодите кога е многу загадено автомобили ќе можат да управуваат само побогатите граѓани кои имаат пари да купат автомобили со пониска емисија на загадување. Според Шилегов ова е подобро решение од пар-непар.

Доколку преземете содржина од оваа страница, во целост сте се согласиле со нејзините Услови за користење.