Свет

Силен земјотрес ја погоди Кина

Силен земјотрес ја погоди Кина

Земјотрес со јачина од 6,1 степен според Рихтеровата скала го погоди југозападот на Кина. Од земјотресот предизвикани се прекини на телекомуникациската мрежа и снабдувањето со струја, а кај локалното население е предизвикана паника, јавува Кинеската државна телевизија ЧТВ.

Засега нема извештај за евентуални човечки жртви.

Американската геолошка служба соопштила дека земјотресот се случил на подрачјето на покраината Јунан, а епицентарот бил на длабочина од 10 километри.

Според податоците ова е најсилниот земјотрес кој се случил во Јунан во последните 14 години.