Спорт

Симеоне сака секоја недела да игра против Барса или Реал (М)

Симеоне сака секоја недела да игра против Барса или Реал (М)

Тренерот на шпанскиот прволигаш Атлетико (М), Диего Симеоне откри дека сака секоја недела да игра или против каталонскиот гигант Барселона или против градскиот ривал Реал (М).

“Мислам дека и ние ќе профитираме од тие натпревари. Во спортските весници има 10 страни кои и се посветени на Барселона и 10 страници кои му се посветени на Реал (М). Ако двата тима победат по 4:0, тогаш кога ќе ги прочитате тие страници ќе добиете впечаток дека победиле со 16:0. Постојано ја гледаме снимката од тој натпревар, постојано имаме снимка од погодокот на Реал (М) или Барселона. Се создава таква атмосфера дека е подобро да не играте против тие два тима. Добивате впечаток дека и без игра сте го загубиле натпреварот. Јас би сакал да играме секоја недела”, изјави аргентинскиот стручњак.