Магазин

Синот на Џеки Чен осуден на шест месеци затвор

Синот на Џеки Чен осуден на шест месеци затвор

Синот на актерот Џеки Чен е осуден на шест месеци затворска казна во Пекинг, под обвинение дека поседувал околу 100 грама канабис во својот дом, објави АФП, пренесува Нетпрес.

Триесет и двегодишниот актер и пејач Џејси Чен бил уапсен во август, лани, во кинеската престолнина, заедно со популарниот дваесет и тригодишен тајвански актер Каи Ko. Двајцата во полиција признале дека конзумирале марихуана.

Случајот предизвикал големо внимание во медиумите и на социјалните мрежи. На судското рочиште, кое траело околу 90 минути, Џејси Чен ја признал вината, било наведено во соопштението од судот.

Во изминативе месеци Кина приведе и други локални ѕвезди и јавни лица под обвинение за употреба на наркотици.

Синот на светски популарниот актер Џеки Чен е всушност „жртва“ на кампањата на кинеската влада, насочена против употребата на наркотици и против проституцијата.

Во текот на кампањата, кинеската полиција јавно ги изложуваше приведените, и тоа со голема соработка на најголемите медиуми во земјата.