Свет

Сириски приврзаници на Ал Каеда ја зазедоа границата со Јордан

Сириски приврзаници на Ал Каеда ја зазедоа границата со Јордан

Бунтовниците поврзани со сирискиот огранок на Ал Каеда го зазедоа последниот граничен пункт на границата со Јордан, кој го контролираше режимот во Дамаск, изјавија активисти од Сирискиот центар за набљудување на човековите права, пишува МИА.

– Вооружените групи, кон кои се приклучи Фројнтот Ал Нусра, огранок на Ал Каеда го презедоа пунктот Насиб од режимските војници, на сириската страна на границата, изјави директорот на Центарот Рами Абдел Рахман.

Тој додаде дека војниците се повлекле, така што долж целата граница со Јордан повеќе нема сириски војници.

Владата на Јордан претходно соопшти дека ги затворила граничните премини од своја страна, како за патници, така и за пренос на стока.