Спорт

Сити со шампионски ритам, Јунајтер во форма

Сити со шампионски ритам, Јунајтер во форма

Најголемиот фаворит за шампионската титула во англиската Премиер лига, тимот на Манчестер Сити не дозволи никаково изненадување во саботниот натпревар од 32. коло и многу полесно од очекуваното со убедливи 4:1 го победи годинава одличниот тим на Саутемптон.

Уште поубедлива победа од 4:0 на гостувањето во Њукалс забележа актуелниот шампион на Англија, тимот на Манчестер Јунајтед, а најзаслужен за убедливиот триумф е шпанскиот интернационалец Хуан Мата кој двапати се запиша во листата на стрелци.

Вториот фаворит за шампионската титула, тимот на Челзи, не дозволи никакво изненадување на “Стемфорд Бриџ” и сосема заслужено со убедливи 3:0 го победи гостинскиот тим на Стоук.

Најпријатното изненадување во годинашната сезона, тимот на Ливерпул денеска ќе одиде да забележи позитивен резултат во дуелот против секогаш незгодниот тим на Вест Хем, а голема неизвесност се очекува на натпреварот помеѓу директните ривали за четвртата позиција на табелата, Евертон и Арсенал.

Резултати: Манчестер С. – Саутемптон 4:1, Њукасл – Манчестер ј. 0:4, Астон Вила – Фулам 1:2, Кардиф – Кристал Палас 0:3, Хал – Свонси 1:0, Норвич – ВБА 0:1, Челзи – Стоук 3:0.