Скопјанец пронајден мртов на стрелиштето Камник

Едно починато лице кое имало повреди од пиштол било пронајдено на стрелиштето Камник, соопшти денеска МВР.

Околу 18:50 часот вчера од итната медицинска помош било пријавено дека на стрелиште Камник бил пронајден починат А.М.(31) од Скопје од огнено оружје.

Увид на местото на настанот извршиле Јавното обвинителство и увидна екипа на СВР-Скопје. Од местото на настанот бил подигнат пиштолот и е даден на вештачење.

По наредба на обвинителството телото на починатиот е предадено на Институтот за судска медицина за обдукција.

Се работи на целосно расчистување на случајот.

Доколку преземете содржина од оваа страница, во целост сте се согласиле со нејзините Услови за користење.