Спорт

Скопје домаќин на квалификациски турнир за ракометарки до 19 години

Скопје домаќин на квалификациски турнир за ракометарки до 19 години

Женската младинска репрезентација на Македонија до 19 години викендов во Скопје е домаќи на квалификацискиот турнир за пласман на ЕП, а во истата група со нас се уште и репрезентациите на Црна Гора, Исланд и Холандија.

Натпреварите ќе се играат во СРЦ „Кале“ во Скопје, а покрај Македонија,  учеснички се уште селекциите на Црна Гора, Холандија и Исланд. Двете првопласирани од групата ќе играат на ЕП во Шпанија.

Првиот ден Македонија од 18:30 часот ќе игра против Исланд, а во терминот од 16 часот ќе играат Црна Гора – Холандија. Утре (сабота) нашата репрезентација за противник ќе ја има Холандија, а во недела ривал е Црна Гора. И овие два дуела Македонија ги игра во терминот од 18:30 часот.

Во текот на овие три дена ќе се играат натпревари во вкупно осум квалификациони групи, а 13 од 29 репрезентации ќе се пласираат на завршниот шампионат што ќе се игра во Валенсија од 23 јули до 2.август