Балкан

Скурлетис: Само предвремени избори можат да ја вратат стабилностa во Грција

Скурлетис: Само предвремени избори можат да ја вратат стабилностa во Грција
Скурлетис: Само предвремени избори можат да ја вратат стабилностa во Грција

Само предвремени избори можат да ја вратат политичката стабилност во Грција, изјави грчкиот министер за животна средина и енергетика Панос Скурлетис за телевизијата Скај.

За три недели Владата доби удари од некои пратеници од владината коалиција. Оваа ситуација не може да се дефинира како одржлива. Изборите се потребни за политичка стабилност во Грција, додаде Скурлетис.

Коментирајќи кога би биле изборите, тој рече дека „треба да се одржат наскоро“.

На 14 август за новиот договор за кредит гласаа 118 пратеници од партиите кои ја сочинуваат владината коалиција – Сизира и Независни Грци, а премиерот Алексис Ципрас соопшти дека планира да побара од Парламентот гласање доверба за неговиот кабинет. Се очекува гласањето да биде побарано откако земјата на 20 август ќе ја добие првата транша од новата помош.

Опозициските партии Нова демократија и ПАСОК веќе рекоа дека нема да поддржат гласање доверба на Владата, што практично може да доведе до објавувањето на предвремени парламентарни избори.

Кабинетот на Ципрас моментално не располага со потребното мнозинство од 151 од вкупно 300 пратеници во Парламентот и се потпира на поддршка на 120 пратеници од владејачката коалиција, што се смета за „психолошки минимум“. При оваа ситуација, Парламентот може да усвојува само закони кои ги поддржува и опозицијата.

Ако Грција не ги спроведе реформите помошта ќе биде стопирана

Ако Грција не ги спроведе реформите помошта ќе биде стопирана
Ако Грција не ги спроведе реформите помошта ќе биде стопирана

Доколку Грција не успее да ги спроведе мерките, за кои постигна спогодба со Европската унија во замена за третата финансиска програма за спас, помошта брзо ќе биде стопирана, изјави денеска лидерот на Еврогрупата, Јерун Дејселблум, пред денешниот состанок во Брисел.

Еврогрупата ќе направи оценка на извршените реформи во Грција во септември или октомври. Доколку не бидат исполнети ветувањата, програмата за помош може брзо да биде прекината, истакна тој.

Дејселблум повторно изрази увереност дека Грција ќе ги исполни своите обврски.

Со 222 гласа „за“, 64 „против“ и 11 „воздржани“, грчкиот парламент го одобри новиот договор постигнат меѓу Владата и кредиторите за третиот пакет финансиска помош за државата. Гласањето се одржа по седумчасовни дебати.

Премиерот на Грција, Алексис Ципрас го оквалификува договорот како „принуден избор“. Истакна дека до тој избор се стигнало откако државата била соочена со дилемата – Или меморандум со еврото или меморандум со драхмата.

Ципрас ќе побара гласање за доверба на Владата на Грција од парламентот по 20 август кога стигнува плаќањето на оврски кон ЕЦБ, јави локалната Скај.