Македонија

Комисијата за односи со верските заедници реагира за сквернавењето на споменикот на Мајка Тереза

Комисијата за односи со верските заедници реагира за сквернавењето на споменикот на Мајка Тереза

Од Комисијата за односи со верските заедници и религиозните групи реагираат по повод синоќешното сквернавење на споменикот на Мајка Тереза.

Интегрален текст од соопштението на Комисијата:

Во годината во која ја прогласуваме за светица нашата сограѓанка Мајка Тереза, во година во која прогласувањето на нејзината светост е и наша македонска светотост, оваа година во која и државниот секретар на Ватикан Пјетро Паролин се поклони во нејзиот дом, во оваа јубилејна година бездушните се обидоа да ја сквернават и нејзината плоча, при тоа навредувајќи ги чувствата не само на католиците, туку и на сите почитувачи на ликот и делото на Мајка Тереза.

Во безумието нивно злите раце удрија и врз Светицата!

Жената Мајка Тереза која се роди во земјата на Големата Мајка за да биде Мајка на целиот свет, жената која се што беше скршено го спојуваше и обединуваше со љубов, надеж и исцелување.