Македонија

Следува заладување, од недела -9 степени

Следува заладување, од недела -9 степени

Заладување и спуштање на температурата до минус девет степени се очекува за викендот. Намалување ќе има и на дневната температура при што максимумот ќе биде четири степени, а се најавуваат и врнежи од снег на пониските места. Топол ден со температура до 16 степени ќе имаме уште утре.

Од Управата за хидрометеоролошки работи на Република Македонија најавуваат дека од петок попладне и вечерта се очекува продор на студена воздушна маса проследен со умерен до засилен северен ветер, нагло опаѓање на температурата и врнежи кои на повеќето пониски места ќе преминуваат во снег.

Пообилни врнежи се очекуваат во текот на ноќта кон сабота и во сабота претпладне кога ќе се формира и снежна покривка. Дневната температура во сабота ќе биде во просек за 10 до 15 степени пониска во однос на денешната.