Од УХМР за утре најавуваат пообилни врнежи од дожд, а од понеделник постепено паѓање на температурите и снег на планините.
Во текот на утрешниот ден особено во ноќните часови, врнежите од дожд ќе бидат пообилни и наместа ќе достигнат над 30 литри на метар квадратен. Во сабота локално врнежите ќе имаат пороен карактер и ќе има услови за ретки грмежи.
Претежно облачно време со повремени врнежи од дожд со променлив интензитет ќе се задржи и во недела и во почетокот на наредната седмица. Од понеделник ќе има постепено паѓање на температурите. Максималните дневни температури ќе достигнат до 7 Целзиусови степени, а на повисоките планини се очекуваат врнежи од снег.