Снежна блокада на патишта и училишта во Алабама и Џорџија

Необичен студ ги зафати јужните американски држави. Властите во Алабама, Мисисипи, Луизијана, Џорџија, Северна и Јужна Каролина воведоа вонредна состојба поради снежните бури и густата магла, кои зедоа најмалку шест жртви.

Најтешка е ситуацијата во Алабама и Џорџија. Илјадници студенти останале блокирани во училиштата. Десетици деца кои биле испратени во своите домови пред почетокот на снежните врнежи, преноќиле во училишните автобуси.

Националната гарда е испратена во помош на локалните спасувачи и на полицијата. Црквите, пожарните и спортските сали се претворени во засолништа за луѓето кои се блокирани по патиштата.

Само во Џорџија за една ноќ имаше речиси 1.000 несреќи, при што загина едно лице, а повредените се над 100.

Во реонот на Пенсакола во Северна Флорида ситуацијата е толку критична, што беше забрането движењето на сите возила, освен на автомобилите на брза помош. Илјадници домаќинства во погодените држави се без електрична енергија.

Доколку преземете содржина од оваа страница, во целост сте се согласиле со нејзините Услови за користење.